INDUSTRIA ONDAREARI BURUZKO DOKUMENTALA
Ikasturtea bukatzear dago. Beti bezala, lanez betetako epe bat utziko dugu atzean hemendik gutxira, baina ez genion bukaera eman nahi aurten egin den proiektu politenetariko baten emaitza zuekin partekatu gabe.
Izan ere, Sestaoko Udalak sustatu berri duen Sestao Iron River Fest ekimenean parte hartzeko aukera luzatu zitzaigunean, burubelarri jarri ginen 4. mailan gure herriko industria ondarea laburbiltzen duen dokumental interesgarri bat sortzeko.
Lan honen atzean grabazioak, elkarrizketak, informazio bilaketa potenteak eta beste pausu batzuk ere egon ziren. Bereziki eskertu nahi diegu parte hartu izana elkarrizketak eta informazioa eskaini zizkiguten guraso eta aititeei. Guztien artean izugarrizko lan polita egitea lortu genuen!
Ez dizuegu txapa gehiago emango… Hartu palomitak eta gozatu gure superprodukzioa!