OLES-OLES, LURRA ESNA ZAITEZ!
Aurreko ostiralean, otsailak 3, Agate Deuna ospatu genuen Kueto eta bere inguruetatik abesten
Neguaren egunik hotzenak gainera erori zaizkigu azkeneko aste hauetan eta asko gara eskolara txanoekin eta eskularruekin bero-bero gatozenak (eta baita mendietan elurrarekin jolasten ibili garenak ere, jijiji)
Agian hotz gordin hori dela eta, azken urte hauetan “Oles-Oles” abesteko gogoa sartzen zaigu Agate Deuna egunean. Abesti honen bidez neguari agur esan nahi diogu, eta lurrari bere lo-kuluxkatik esnatzeko eskatzen diogu.
Oraindik negua ez zaigu joango baina gure ahots eta kantu politekin, eta Ugaitzen makilarekin ere, euria tartetxo baterako uxatu dugula esango genuke. 🥶
